Во оваа епизода зборуваме за тоа зошто ученичкото учество е поважно од кога било. Водителот Матеј Трајкоски разговара со Софија Цековска, ученичка од СОУ „Кузман Јосифоски Питу“, за предизвиците во вклучувањето на соучениците, надминувањето на формалноста во ученичките организации и за тоа како новите законски права можат да придонесат за вистински промени.
Разговорот покажува како образованието, практичното искуство и малите ученички иницијативи можат да го подобрат училишниот живот и да ги охрабрат младите активно да учествуваат во донесување одлуки.
Слушателите ќе слушнат реални мислења, искрени предизвици и инспиративни идеи кои покажуваат како ученичкиот глас може да премине од тишина во вистинско влијание.
Оваа активност се спроведува во рамките на проектот „Ученици за Учество: Зајакнување на ученичките организации во Прилеп“, кој е финансиски поддржан од Министерството за социјална политика, демографија и млади.
